相信大家都已經睇左我地既段新片﹣ 魔物獵人。呢段片雖然我地係無收錢，但係我地真係放左好多心機落去。傾都傾左一個月，仲要轉程去左東坪洲度，仲要係果度訓左一晚。
係呢度，我要特別多謝Ody（攝影）同埋Fox（獵人）兩位人兄，佢地放左好多好多時間落後期製作果度，先可以令到呢段影片咁完美，簡直係比我之前想像中要好多好多！
好多人後面點解會出現Turbo哥。其實拍攝當日就係佢煮野比我地食！因為東坪洲係無餐廳！全部野都要自己煮，好彩我地有Turbo哥負責伙食，我地先可以順利完成拍攝！
我之前講過，Eminleo 係2012年將會有大革新。其實魔物獵人正正就係頭炮。係2012年，我將會告別以前既獨行俠創作，試下搵唔同既團隊合作，就好似我搵bumba production 合作咁，創造更多新既風格！
希望2012年Eminleo同新既朋友會創作更好多片比大家！
Eminleo
Search